2. Strong. rubripenne: Nigrum, nitidum, segmentis ultimis abdominis. elytrisque rubris, antennarum articulis duobus penultimis longitudine paulo latioribus; pronoto a basi apicem versus sensim modice angustato, longitudine duplo latiori, margine ejus basali leviter elevato; elytris subtilissime striato-punctatis, punctis striarum suturae proximarum basin versus minus dense positis, interstitiis inter strias punctorum omnino impunctatis.

Longit. 13 m. m.; Latit. hum. 4,6 m. m.

Poecilesthus rufipennis Dejean, Cat. 3 éd., p. 229 verisimiliter.

Habitat Brasiliam; in museo Academiae Alexandrinae Helsingforsiensis individuum

unicum.

A specie praecedenti forma antennarum, pictura elytrorum, margine ba sali pronoti minus elevato ut et scutello paulo latiori inprimis diversum. Caput minus dense sat distincte, quamvis subtiliter punctatum, in medio longitudinaliter sublaevigatum et absoletius impressum, nigrum, nitidum, ore palpisque dilutius fusco-piceis. Antennae capite cum prothorace vix tertia parte longiores, apicem versus paulo magis quam in Strong. ornato dilatatae, articulis duobus penultimis longitudine paulo latioribus. Pronotum fortiter transversum, prope basin longitudine duplo latius, apicem versus sensim modice angustatum, lateribus in medio perparum rotundato-dilatatis, angulis omnibus vix productis, anticis obtusiusculis, margine basali leviter elevato, supra transversim levissime convexum, longitudinaliter obsoletissime canaliculatum, nigrum, nitidum, subtilissime obsoleteque minus dense punctulatum. Scutellum triangulare, paulo latius quam in Strong. ornato, nigrum, nitidum, omnino fere laevigatum. Elytra latiuscula, ad 2/3 partem totius longitudinis sensim vix dilatata, deinde apicem versus ut in congeneribus proximis subito fortius angustata, testaceo-rubra, nitida, subtiliter striato-punctata, punctis striarum suturae proximarum basin versus minus dense impressis, omnibus ante apicem obsoletioribus, margine proximis omnino fere evanescentibus, interstitiis inter strias impunctatis. Corpus subtus nigrum, minus nitidum, abdominis segmento tertio fusco-rufo, quarto, quinto et sexto dilutius rufo-testaceis; margine inflexo elytrorum toto testaceo-rubro. Pedes ut in praecedenti.

Lacordaire rechnet in seiner Histoire naturelle des Insectes V p. 484 Poecilesthus rufipennis Dej. Cat. allerdings zur Gattung Strongylium, indessen konnte, trotz der grossen Wahrscheinlichkeit, dass diese von Dejean benannte Art und die hier beschriebene identisch ist, die Benennung rufipenne nicht beibehalten werden, weil Kollar und L. Redtenbacher in Hügels Kaschmir eine Strongylium-Art unter demselben Namen beschrieben haben.

3. Strong. rufiventre: Testaceo-rufum, admodum nitidum, antennis, scutello, pectore pedibusque nigris; antennis apicem versus sat dilatatis, articulis duobus penultimis longitudine latioribus; pronoto a basi apicem versus sensim angustato, longitudine duplo saltem latiori, margine basali modice elevato; elytris subtiliter striato-punctatis, punctis basin versus minus crebre impressis, ante apicem multo magis obsoletis, interstitiis inter strias punctorum omnino impunctatis.

Longit. 12 m. m., Latit. hum. 5,5 m. m.

Habitat Brasiliam et a Clmo Dre Sahlberg in vicinitate urbis Rio Janeiro mens. Decembris 1850 semel captum; Coll. inventoris.

Strong. rubripenni sat affine, sed punctura capitis, pronoti et elytrorum distinctiori ut et colore certe diversum. Caput testaceo-rufum, nitidum, subtilius distincte et densius punctatum, fronte longitudinaliter impressa; palpis apicem versus nigris. Antennae capite cum prothorace quarta circa parte longiores, apicem versus admodum dilatatae, nigrae, articulis primis nitidis, art. duobus penultimis longitudine latioribus. Pronotum fortiter transversum, longitudine paulo plus quam duplo latius, a basi apicem versus angustatum, testaceo-rufum, nitidum, subtilissime sed distinctius et ante scutellum adhuc magis conspicue punctatum, angulis anticis parum productis, posticis acutioribus, margine basali modice elevato. Scutellum elongato-triangulare, nigrum, nitidum, omnino fere laevigatum. Elytra pronoti basi quinta circa parte latiora, anterius sat convexa, apicem versus declivia, ad partem totius longitudinis subaequilata, testaceo-rufa, modice nitida, subtiliter, sed sat distincte striato-punctata, punctis basin versus minus crebre impressis, apicem versus subtilissimis et magis obsoletis, interstitiis inter strias omnino laevigatis, admodum coriaceis. Corpus subtus cum pedibus nigrum, nitidum, prosterno abdomineque testaceo-rufis.

4. Strong. pallidipenne: Nigrum, nitidum, labro, segmentis ultimis abdominis elytrisque pallide-testaceis; antennarum articulis duobus ultimis longitudine paulo latioribus; pronoto a basi apicem versus sensim et leviter rotundato-angustato, longitudine plus quam dimidio latiori, margine ejus basali levissime et ante scutellum vix elevato; elytris subtiliter striato-punctatis, punctis striarum suturae proximarum etiam basin versus sat dense positis, interstitiis inter strias punctorum impunctatis.

Logit. 11,5 m. m.; Latit. hum. 3,5 m. m.

Habitat Brasiliam; in museo Academiae Alexandrinae Helsingforsiensis individuum unicum a Celeb. Professore Schaum acceptum.

Praecedenti statura corporis simillimum, punctura capitis elytrorumque ut et colore diversum mihi tamen esse videtur. Caput subtilissime absolete punctatum, longitudinaliter absoletissime impressum, fronte media inter oculos fovea majori rotundata notata, nigrum, nitidum, labro pallide-testaceo. Antennarum structura ut in Strong. rubripenni. Pronotum transversum, prope basin longitudine plus quam dimidio latius, apicem versus paulo magis, quam in Strong. rubripenne angustatum, lateribus paulo ante medium leviter rotundatis, margine basali levissime et ante scutellum vix elevato, transversim perparum convexum, longitudinaliter, praesertim anterius vix conspicue canaliculatum, impressionibus quatuor ante medium obsoletis in arcum positis, nigrum, nitidum, subtilissime obsoleteque punctulatum. Scutellum triangulare, nigrum, nitidum, impunctatum. Elytra ut in Strong. rubripenni ad 23 partem totius longitudinis sensim vix dilatata et deinde apicem versus subito fortius angustata, flavo-testacea, nitida, subtiliter striato-punctata, punctis striarum suturae proximarum, ut in diagnosi dictum est, etiam versus basin sat dense positis, omnibus tamen ante apicem obsoletioribus, interstitiis inter strias omnino impunctatis. Corpus subtus nigrum, nitidum, margine inflexo elytrorum segmentisque tertio, quarto, quinto et sexto abdominis flavo-testaceis. Pedes piceo-nigri.

5. Strong. testaceum: Rufo-testaceum, parum nitidum, palporum maxillarium articulo ultimo, antennis, articulo primo excepto, oculis, geniculis late, tibiis ad maximam partem tarsisque nigris; pronoto transverso, a basi apicem versus sensim leviter subrotundato-angustato, subtilissime, in medio disco obsolete, versus latera paulo distinctius punctato, margine basali leviter, sed sat distincte elevato; elytris subtilius striato-punctatis, interstitiis inter strias punctorum impunctatis.

Longit. 11-13 m. m.; Latit. hum. 4,5 m. m.

Habitat Brasiliam et a Clmo Dre Sahlberg in Santa Rita mens. Augusti captum; Mus. Vindobonense et Coll. Dris Sahlberg.

A praecedentibus non solum colore, verum etiam elytris multo distinctius striato-punctatis diversum. Caput rufo-testaceum, nitidum, densius minus subtiliter sat distincte punctatum, longitudinaliter obsoletius impressum, subcanaliculatum. Antennae capite cum prothorace tertia fere parte longiores, apicem versus magis dilatatae et fortius compressae, articulis duobus penultimis longitudine paulo latioribus, nigrae, basin versus nitidae, articulo primo testaceo-rufo. Pronotum transversum, prope basin longitudine plus quam dimidio latius, apicem versus sensim modice subrotundato-angustatum,

angulis omnibus nonnihil productis, margine basali modice, sed sat distincte elevato, supra parum transversim convexum, longitudinaliter subtilissime et obsolete canaliculatum, obscurius rufo-testaceum, minus nitidum, densius subtiliter, in medio disco obsoletius, versus latera multo distinctius punctatum. Scutellum triangulare, rufo-testaceum, nitidum, impunctatum. Elytra latiuscula, prope basin pronoto quarta saltem parte latiora, ad 2 partem totius longitudinis levissime dilatata, deinde ad apicem subito fortius angustata, rufotestacea, parum nitida, minus subtiliter quam in praecedentibus striato-punctata, punctis tamen apicem versus sensim subtilioribus obsoletioribusque, interstitiis impunctatis, praesertim basin versus irregulariter transversim obsoletius aciculatis. Corpus subtus rufo-testaceum, nitidum, margine inflexo elytrorum abdominisque apice dilutius flavo-testaceis. Pedes nigri, femoribus longe ultra medium tibiisque latere exteriori praesertim apicem versus testaceo-rufis.

6. Strong. vile: Rufo-testaceum, parum nitidum, palporum maxillarium articulo ultimo, antennis (articulo primo et secundo exceptis), oculis, geniculis, tibiis tarsisque nigris; pronoto transverso, a basi apicem versus sensim angustato, in regione ante scutellum subtilissime, apicem versus obsoletissime et vix conspicue punctulato, margine basali parum, ante scutellum vix elevato, at magis explanato; elytris subtiliter striato-punctatis, interstitiis inter strias punctorum impunctatis.

Longit. 10,7 m. m.: Latit. hum. 4 m. m.

Habitat Brasiliam; secundum individuum in collectione Mannerheimiana descriptum.

Strong. testaceo pictura simillimum, sed multo minus, praesertim brevius et praeterea capite pronotoque multo subtilius punctatis diversum. Caput rufo-testaceum, nitidum, sat dense subtilissime puntatum, longitudinaliter obsoletius impressum, subcanaliculatum. Antennae capite cum prothorace paulo longiores, apicem versus paulo fortius quam in congeneribus proximis dilatatae et compressae, articulis duobus penultimis tertia circiter parte longitudine latioribus, nigrae, art. duobus primis rufo-testaceis, art. 3, 4 et 5:to basi rufescentibus. Pronotum prope basin longitudine duplo fere latius, apicem versus paulo fortius, quam in Strong. testaceo angustatum, lateribus subrectis vel in medio perparum rotundatis, angulis omnibus nonnihil productis, margine basali leviter elevato, sed ante scutellum magis explanato et vix elevato, testaceo-rufum, parum nitidum, subtilissime obsolete et tantum in regione ante scutellum perspicue punctulatum, longitudinaliter subtilissime, obsolete canaliculatum. Scutellum triangulare, rufo-testaceum,

impunctatum. Elytra forma fere ut in Strong. testaceo, sed multo breviora et praeterea subtilius striato-punctata, testaceo-rufa, minus nitida, interstitiis inter strias punctorum impunctatis, punctis striarum vero ut in praecedentibus apicem versus subtilioribus et evanescentibus. Corpus subtus obscurius rufo-testaceum, margine inflexo elytrorum abdominisque margine et apice dilutius flavo-testaceis. Pedes nigri, femoribus longe ultra medium rufo-testaceis.

A) **) Elytris basin versus haud fortius elevatis. Spec. mexicanae 7-11.

7. Strong. Hoepfneri: Nigrum, nitidum, labro abdominisque apice pallidis, elytris laete rufo-testaceis; pronoto minus fortiter transverso, a basi apicem versus sensim leviter angustato, parcius sat distincte punctato, margine basali modice elevato; elytris ut in speciebus sequentibus mexicanis basin versus minus elevatis, fere ad 3/4 partem totius longitudinis subaequilatis et deinde primum fortius rotundato-angustatis, subtiliter striato-punctatis, interstitiis inter strias punctorum minus dense obsoleteque punctulatis.

Longit. 14,3 m. m.; Latit. hum. 5 m. m.

Poecilesthus Hoepfneri Dejean, Cat. 3 éd., p. 229.

Habitat in Mexico; Museum Academiae Alexandrinae Helsingforsiensis.

Praecedentibus paulo majus et praeterea inprimis forma elytrorum diversum. Caput densius sat distincte punctatum, fronte media laevigata, obsoletius sed sat late impressa, nigrum, nitidum, labro pallido. Antennae minus graciles, capite cum prothorace tertia fere parte longiores, apicem versus sensim leviter dilatatae et compressae, articulis duobus penultimis longitudine vix latioribus, nigrae, basin versus nitidae. Pronotum minus fortiter transversum, prope basin longitudine tertia circiter parte latius, a basi apicem versus sensim leviter angustatum, lateribus subrectis, angulis omnibus nonnihil productis, margine basali modice elevato, in medio paulo latiori, nigrum, nitidum, in medio late et versus latera utrinque parcius minus subtiliter et sat distincte punctatum. Scutellum triangulare, nigrum, nitidum, impunctatum. Elytra pronoto quarta saltem parte latiora, supra ad 2/3 partem totius longitudinis convexa, deinde apicem versus declivia, lateribus vero fere ad 3/4 partem subaequilatis, laete rufo-testacea, nitida, subtiliter striato-punctata, punctis striarum dense positis, prope apicem evanescentibus, interstitiis inter strias punctorum parcius obsolete punctulatis. Corpus subtus cum pedibus nigrum, nitidum, abdominis segm. tertio et quarto margine apicali et laterali, quinto toto dilutius rufo-testaceis.